قصيدة الخرسا

].....خلاص القلب سلم لك...نهتني بسمة الشفه.....


.....سكوتك ما يطمني خذي عمري و قوليها.....



.....احبك منك ابي اسمع ظنوني كلها لهفه.....


.....كلام العين ما يكفي فؤادن ذايبن فيها.....



.....ذبحني صمتكم ودي حروفن اربعن تقفى.....


.....و اذا ودك تعذبني..انا اللي جا مساعيها....



تجرحني...على كيفك..هواكم رجح الكفه


تموتني...انا روحي طعون الحب تحييها



تعالي و اسمعي قلبن يناديكي بكل رجفه


تعالي و امسحي خدن تجرح من مداميها



ابي تنطق..ابي تحكي...حبيبي و الخجل خفه


ابي تهمسها في اذني اذا تخجل تعليها



غلاتي وش تبي اكثر؟ و حبك اشتعل...طفى


شموع الصبر و الخافق غدى يحمل رواسيها



انا همي تجلى فيك..انا عاشق و في كفه


حمل عمره و قال افداك..و من غيرك انا افديها؟



مع هاجس تشتت منك في كل ليل لي وقفه


اترجم صادق الاحساس في احلى قوافيها



تلاقينا بلا موعد...الا يا مجمل الصدفه


تبسمتي و كن العمر مشوارن بدا فيها



تمنيت الخطاوي تعود في دربن مضى و اقفى


خساره كانت الخطوات من غيرك انا امشيها



حياتي قبلكم وش هي؟ تجي ايام أو تجفى


يجي همن ورا همن حياتي ذي معانيها



تعدت وصفها اشجاني و كن الحزن لي حرفه


اذا قالوا وش الآلام؟ اجاوب اسمي يعنيها



ظهرتي انتي في دنياي و قلتي للحزن: اخفى


تلاشى مثل ظلمة ليل يوم الشمس تمحيها



احبك قولها ارجوك ابي منها انا اتشفى


تطيل الصمت ما اقوى حياتي كلها فيها



اخيرآ نطقت و قالت ( رفيقتها ) مع رجفه


يخوي انك حشى مجنون كيف الخرسا تحكيها؟؟!!